PRAECINCTORIUM

PRAECINCTORIUM

vestis in Communione Romana Sacerdotalis, quae alias Cingulum seu Subcinctorium, uti Cardininalis Bona sentit, quâ voce Honorius utitur, l. 1. c. 206, Addit, solum Romanum Pontificem eô uti, cum sollenniter celebrat, esseque instar parvi cuiusdam manipuli, e sinistro latere pendens: illudque videri, quod Graeci ἐπιγονάτιον vocant, formae quadrangularis palmi et dimidii ex utroque latere, quod e zona appensum geslatur et solis Episcopis ratione dignitatis permittitur. In vetere Missa ab Illyrico edita, oratio habetur ad Praecinctorium, cum illud scil. induit Episcopus, facra facturus: Praecinge me Domine

virtute et pone immacnlatam viam meam, apud Car. du Fresne Glossar. At Praecinctura, exactio, teloneum, vectigal est Eidem ex Charta Otheboldi Abbatis Gandensis et Duchesnio in Hist. Limburg. Apud veteres Scriptores Praecincti et Cincti, milites dicti reperiuntur. Petronius.

Qui pelago credit, magnô se foenore tollit.

Qui pugnas et castra petit, praecingitur aurô:

Propter pecuniam, quam in zona gestabant milites. Hinc apud Vulcatium Gallicanum in Avidio Cassio, milites modo cinctos, modo praecinctos, vocari videmus, Salmasius ad eum, c. 1.